Adları seçici siyahılarında olmayan seçicilər səsvermə günü məhkəməyə müraciət etmədən siyahılara düşə biləcəklər. Bu barədə APA-ya Mərkəzi Seçki Komissiyasının (MSK) mətbuat xidmətinin rəhbəri Azər Sarıyev məlumat verib. Onun sözlərinə görə, artıq seçicilər siyahılara düşmək üçün əvvəlki kimi məhkəmələrə müraciət etmək məcburiyyətində qalmayacaqlar.

Prezident seçkiləri ilə bağlı təbliğat-təşviqat kampaniyası sabah baha çatır. Mərkəzi Seçki Komissiyasının (MSK) mətbuat xidmətindən APA-ya verilən məlumata görə, Seçki Məcəlləsinin 75-ci maddəsinə uyğun olaraq, kampaniya səsverməyə 24 saat qalmış - oktyabrın 14-ü saat 8.00-da dayandırılacaq.

“ELS” Müstəqil Araşdırmalar Mərkəzi prezident seçkisi ilə bağlı keçirdiyi ekspress rəy sorğusunun nəticələrini açıqlayıb. Mərkəzdən APA-ya verilən məlumata görə, ölkədə seçkiqabağı vəziyyətin öyrənilməsi məqsədilə oktyabrın 2-dən 6-dək keçirilən rəy sorğusunda bütün dairələri əhatə etmək şərtilə 12.500 respondent iştirak edib.

2008-ci il oktyabrın 15-də Azərbaycan müstəqillik qazanandan ölkədə 6-cı dəfə prezident seçkiləri keçiriləcək.
APA-nın məlumatına görə, prezident seçkilərinin günü Mərkəzi Seçki Komissiyasının (MSK) bu il iyulun 28-də keçirilmiş iclasında elan edilib. Seçkilərə rəsmi start isə MSK-nın qərarı dərc olunduğu gündən – iyulun 29-dan verilib.

Azərbaycanın Mətbuat Şurası prezident seçkisi günü ilə bağlı fəaliyyət planını açıqlayıb.
Oktyabrın 15-də keçiriləcək prezident seçkisi zamanı jurnalistlər Mətbuat Şurasını seçki məntəqələrində prosesin işıqlandırılmasında yarana biləcək məneələr barədə məlumatlandıra bilərlər.

Oktyabrın 15-də keçiriləcək prezident seçkilərini müşahidə etmək üçün 30 beynəlxalq KİV-in 92 nümayəndəsi Azərbaycanın Mərkəzi Seçki Komissiyasına (MSK) müraciət edib. Bu barədə Mərkəzi Seçki Komissiyasının Müstəqil Mətbuat Mərkəzindən Trend News-a bildiriblər.

Azərbaycanda polis səsvermənin keçiriləcəyi seçki məntəqələrinin təhlükəsizliyini təmin etmək məqsədilə seçki məntəqələrini nəzarətə götürüb.

Azərbaycanda prezident seçkisində 118 seçki dairəsinin 800 məntəqəsində «exit-poll» keçiriləcək. «Məntəqələrdə «exit-poll» tədqiqatının həyata keçirilməsinə 1600 intervüer, 220 supervayzer, 100 telefonçu və eyni sayda kömpüter operatoru cəlb edilib», bu barədə bazar ertəsi Trend News-a «ELS» Müstəqil Araşdırmalar Mərkəzindən məlumat verilib.

Oktyabrın 15-də Azərbaycanda keçiriləcək prezident seçkilərini 4 ölkənin mərkəzi seçki komissiyalarının sədrləri izləyəcək. Azərbaycan Mərkəzi Seçki Komissiyasının nəzdindəki Müstəqil Mətbuat Mərkəzindən APA-ya daxil olan məlumata görə, Rusiya, Qazaxıstan, Ukrayna və Latviyanın baş seçki qurumlarının rəhbərləri bu məqsədlə Azərbaycana gələcəklər.

Avropa Şurası Parlament Assambleyasının (AŞPA) 26 nəfərdən ibarət nümayəndə heyəti, bu qurumun Azərbaycan üzrə Monitorinq Komitəsinin həmməruzəçisi Andres Herkelin rəhbərliyi altında oktyabrın 12-də Bakıya gəlib. Səfərin məqsədi Azərbaycanda oktyabrın 15-də keçiriləcək prezident seçkilərini müşahidə etməkdir.

Azərbaycan prezidentliyinə namizəd, hakim Yeni Azərbaycan Partiyasının (YAP) sədri, indiki dövlət başçısı İlham Əliyevin «İlhamla irəli» seçki - təşviqat kampaniyası çərçivəsində, bu günədək 1200 - dən artıq görüş keçirilib.

AŞPA-nın 26 nəfərdən ibarət nümayəndə heyəti, Andres Herkelin rəhbərliyi altında oktyabrın 12-də Azərbaycana səfər edib. AŞPA-nın pres-relizində bildirikir ki, səfərin məqsədi Azərbaycanda oktyabrın 15-də keçiriləcək prezident seçkilərini müşahidə etməkdir.