Bakının Səbayel rayonu ərazisindəki seçki məntəqələrində oktyabırn 15 - də keçirilən prezident seçkisi zamanı bir neçə qanun pozuntusu aşkar olnub. Bu barədə çərşənbə günü TrendNews - a Seçki Müşahidəçiləri Beynəlxalq Şəbəkəsinin (World Net of Election Observers) nümayəndəsi Nikolay Meyner bildirib.

Mərkəzi Seçki Komissiyasının (MSK) sədri Məzahir Pənahov bütün seçiciləri sabah keçiriləcək prezident seçkilərində səs verməyə çağırıb.
APA-nın məlumatına görə, bu barədə MSK sədri dünən keçirdiyi mətbuat konfransında bildirib: “Seçki hüququ olan bütün vətəndaşları seçki məntəqələrinə gələrək, ölkənin gələcəyi üçün xüsusi əhəmiyyət kəsb edən prezident seçkilərində iştiraka və ən layiqli namizəd səs verməyə çağırıram”.

Prezident seçkiləri ilə əlaqədar oktyabrın 15-i Azərbaycanda iş günü deyil.
Mərkəzi Seçki Komissiyasının (MSK) nəzdindəki Müstəqil Mətbuat Mərkəzindən (MMM) APA-ya daxil olan məlumata görə, Seçki Məcəlləsinin 8-ci maddəsinin 2-ci bəndinin tələbinə görə, səsvermə günü seçki (referendum) keçirilən ərazidə iş günü hesab olunmur.

GUAM-ın baş katibi Valeri Çeçelaşvili Azərbaycanda keçiriləcək prezident seçkilərini izləmək üçün Bakıya gəlib.
Bu barədə APA-ya GUAM-ın mətbuat xidmətindən məlumat verilib. GUAM müşahidə missiyasının tərkibinə Gürcüstan parlamentinin 2 deputatı, Ukrayna Xarici İşlər Nazirliyinin 3 diplomatı və Ukraynanın Azərbaycandakı səfirliyinin 2 əməkdaşı daxildir.

Azərbaycanda keçiriləcək prezident seçkisini müşahidə edəcək Avropa Şurası Parlament Assambleyası, ATƏT və Avropa Parlamentinin müşahidə missiyası bu gün müxalifətçi namizədlərlə görüşüb.

Aİ-nin xüsusi nümayəndəsi Azərbaycanda prezident seçkilərinə hazırlıq səviyyəsini yüksək qiymətləndirir.
“Avropa İttifaqı Azərbaycanda azad və demokratik seçkilərin keçiriləcəyinə inanır və bunda maraqlıdır”, - Avropa İttifaqının Cənubi Qafqaz üzrə xüsusi nümayəndəsi Piter Semnebi çərşənbə axşamı Bakıda bildirib.

Azərbaycanın bir sıra müxalifət partiyaları tərəfindən əhalinin prezident seçkilərində səsvermədə iştirak etməməyə çağırılması hallarını hakimiyyət demokratiya prinsiplərinin pozulması kimi nəzərdən keçirir.

Naxçıvan Muxtar Respublikasında (MR) prezident seçkisini 36 beynəlxalq müşahidəçi izləyəcək.
Naxçıvan MR-ın Mərkəzi Seçki Komissiyasının sədri Məhərrəm Qasımovun Trend News-a bildirdiyinə görə, beynəlxalq müşahidəçilərin 24-ü ATƏT-i, 12-si isə MDB-ni təmsil edir.

Prezident seçkiləri ilə bağlı təbliğat-təşviqat kampaniyası bu gün saat 08.00-da başa çatıb. Mərkəzi Seçki Komissiyasının (MSK) mətbuat xidmətindən APA-ya verilən məlumata görə, Seçki Məcəlləsinin 75-ci maddəsinə uyğun olaraq kampaniya səsverməyə 24 saat qalmış dayandırılıb.

Oktyabrın 15-də keçiriləcək prezident seçkilərini izləmək məqsədilə Bakıda səfərdə olan Latviya Mərkəzi Seçki Komissiyasının (MSK) üzvü Raymonds Olexno Azərbaycan MSK-nın sədri Məzahir Pənahovla görüşüb. MSK-nın nəzdindəki Müstəqil Mətbuat Mərkəzindən APA-ya daxil olan məlumata görə, görüşdə M. Pənahov Azərbaycandakı ictimai-siyasi sabitlik, iqtisadi inkişafdan danışıb, oktyabrın 15-də keçiriləcək prezident seçkilərinə hazırlıqla bağlı ətraflı məlumat verib.

Oktyabrın 15-də Azərbaycanda keçiriləcək prezident seçkiləri ilə əlaqədar Bakı şəhərindəki Dairə Seçki Komissiyalarında tibb məntəqələri təşkil olunacaq. Bu barədə APA-ya Bakı şəhər Təcili və Təxirəsalınmaz Tibbi Yardım Stansiyasının baş həkiminin müavini Rauf Nağıyev məlumat verib.

Oktyabrın 15-də keçiriləcək prezident seçkilərini izləmək üçün Seçki Müşahidəçilərinin Dünya Şəbəkəsinin missiyası Azərbaycana gəlib. Mərkəzi Seçki Komissiyasının (MSK) nəzdindəki Müstəqil Mətbuat Mərkəzindən APA-ya daxil olan məlumata görə, missiyanın 158 nümayəndəsi MSK-da qeydiyyatdan keçib.