Hakim Yeni Azərbaycan Partiyası (YAP) ölkədə keçirilən prezident seçkisindən sonra yaranan yeni mərhələdə iqtidar - müxalifət dialoqunun başlamasını mümkün hesab edir.
«Bu gün iqtidar istənilən siyasi qüvvə ilə əməkdaşlığa hazırdır»,- bazar ertəsi TrendNews - a hakim partiyanın Siyasi Şurasının üzvü, millət vəkili Aydın Mirzəzadə bildirib.

İkinci müddətə Azərbaycan prezidenti seçilən İlham Əliyevin səlahiyyətlərini rəsmən icra etməyə başladığı gün hazırkı hökumət istefaya gedəcək.
APA-nın məlumatına görə, Azərbaycan Konstitusiyasının 116-cı maddəsinə əsasən, yeni seçilmiş prezident vəzifəsini tutduğu və səlahiyyətlərini icra etməyə başladığı gün Nazirlər Kabineti istefaya gedir.

Avropa İttifaqının xarici əlaqələr komissarı Benita Ferrero-Valdner Azərbaycanda keçirilmiş prezident seçkiləri ilə bağlı bəyanatla çıxış edib.
APA-nın məlumatına görə, xanım Benita Ferrero-Valdner ATƏT-in seçkilərdə qeydə aldığı tərəqqini alqışlayıb, Seçki Məcəlləsinə edilən dəyişiklikləri, müxalifətdən olan namizədlərin seçkidə iştirakı üçün daha yaxşı şərait yaradılmasını müsbət qiymətləndirib.

Quba-Xaçmaz Bölgəsi üzrə İnsan Hüquqları Resurs Mərkəzində Ədliyyə Nazirliyi tərəfindən qeydiyyatı ləğv edilmiş Seçki Monitorinq Mərkəzinin (SMM) şimal bölgəsi üzrə sabiq koordinatoru Səidə Xanbabayeva və dairə koordinatoru Təranə Zaliyeva ATƏT-in bölgədəki uzunmüddətli müşahidəçiləri Sisiliya Seylmark və Robert Petersonla görüşüb.

Prezident seçkilərində iştirak etmiş bəzi namizədlər seçkilərdən sonrakı mərhələdə əməkdaşlıq etmək üçün müzakirələrə başlayıblar. Bütöv Azərbaycan Xalq Cəbhəsi Partiyasının (BAXCP) sədri Qüdrət Həsənquliyev APA-ya açıqlamasında bildirib ki, hazırda danışıqlar Böyük Quruluş Partiyasının sədri Fazil Qəzənfəroğlu və Aydınlar Partiyasının Təşəbbüs Qrupunun sədri Qulamhüseyn Əlibəyli ilə aparılır.

Azərbaycanda prezident seçkilərini izləmiş ATƏT Müşahidə Missiyasının rəhbəri, səfir Boris Frles bu gün prezidentliyə keçmiş namizədlər – Qüdrət Həsənquliyev, Fazil Qəzənfəroğlu və İqbal Ağazadə ilə ayrı-ayrılıqda görüş keçirib. Q. Həsənquliyevin APA-ya verdiyi məlumata görə, görüşdə prezident seçkilərinin nəticələri, səsvermə, səslərin sayılması prosesi və digər məsələlər müzakirə mövzusu olub.

Azərbaycanın Mərkəzi Seçki Komissiyası (MSK) oktyabrın 15-də keçirilmiş prezident seçkisinin yekun nəticələrini bazar günü elan edib.
MSK sədri Məzahir Pənahovun bildirdiyinə görə, səkkiz seçki məntəqəsinin nəticələri ləğv olunub.

«Azərbaycan NATO -nun çoxdankı və dəyərli tərəfdaşıdır və biz dialoq və əməli əməkdaşlığın, həmçinin, bizim islahatlara dəstəyimizin davam etdiriləcəyinə və möhhkəmlənəcəyinə ümid edirik», - deyə NATO Baş katibi Yap de Hoop Sxeffer Azərbaycanda keçirilən prezident seçkisi ilə bağlı bəyanatında bildirib.

Azərbaycanda Vətəndaş Cəmiyyətinin İnkişafına Yardım Assosiasiyası (AVCİYA) 2008 – ci il prezident seçkiləri ilə əlaqədar Respublika üzrə fəaliyyət göstərən 5148 məntəqədə müşahidəni təşkil edib. AVCİYA Seçki Qərargahı iyul ayından başlayaraq ölkənin bütün regionlarında, o cümlədən Bakı şəhərinin 11 rayonunda müşahidəçilər üçün treniqlər keçirib.

Oktyabrın 15-də keçirilmiş prezident seçkiləri ilə bağlı Dairə Seçki Komissiyalarının (DSK) əksəriyyətindən yekun protokol Mərkəzi Seçki Komissiyasına (MSK) təqdim olunub. Bu barədə APA-ya MSK-nın mətbuat xidmətinin rəhbəri Azər Sarıyev məlumat verib.

Demokratik İslahatlar Partiyasının (DİP) sədri Asim Mollazadə prezident seçkilərinin nəticələri ilə bağlı mətbuat konfransı keçirib. APA-nın məlumatına görə, A. Mollazadə səsvermənin gedişini DİP-in 350 müşahidəçisinin, həmçinin partiyadan olan seçki komissiyaları üzvlərinin izlədiklərini deyib.

“Təkan” Tələbə Gənclərin İctimai Birliyi “Odlar Yurdu” Universitetinin Tələbə-gənclər təşkilatı ilə birgə 18 oktyabr “Azərbaycan Respublikasının dövlət müstəqilliyi haqqında” Konstitusiya Aktının qəbul edilməsi və prezident seçkilərində Yeni Azərbaycan Partiyasının namizədinin qalib gəlməsi münasibəti ilə tədbir keçirib.