Prezidentliyə keçmiş namizədlər - Müasir Müsavat Partiyasının (MMP) sədri Hafiz Hacıyevlə Azərbaycan Liberal Demokrat Partiyasının (ALDP) sədri Fuad Əliyev arasında görüş keçirilib. MMP-nın mətbuat xidmətindən APA-ya verilən məlumata görə, görüşdə prezident seçkisinin nəticələri və partiyaların bundan sonrakı fəaliyyəti müzakirə edilib.

“Azərbaycan Demokrat Partiyası 2008-ci il seçkilərində İlham Əliyevin prezident seçilməsi faktını qəbul edir və partiya özünün konstruktiv müxalifət strategiyasını davam etdirməyi məqsədə müvafiq sayı”. Bu fikirlər ADP-nin İdarə Heyətinin partiyanın Bakı şəhər təşkilatların iştirakı ilə keçirdiyi müşavirədə qəbul etdiyi bəyanatındandır.

Azərbaycan müxalifətində yeni siyasi qüvvəyə ehtiyac var.
«Cəmiyyətdə və müxalifətdə yeni siyasi qüvvəyə çox ciddi ehtiyac var», - bu barədə bazar ertəsi Trend News-a Azərbaycan müxalifətini təmsil edən Müsavat Partiyasının üzvü, «Yeni Müsavat» qəzetinin baş redaktoru Rauf Arifoğlu bildirib.

Azərbaycanda prezident seçkisini boykot edən Müxalifətin Əməkdaşlıq Mərkəzinin (MƏM) tərkibinin genişlənməsi ilə bağlı intensiv müzakirələr aparılmır.
«Biz indi yeni şəraitə uyğun yeni hədəflər müəyyənləşdiririk», - bazar ertəsi TrendNews - a Müsavat Partiyası Mərkəzi İcra Aparatının rəhbəri Arif Hacılı bildirib.

Müxalif Azərbaycan Milli İstiqlal Partiyası (AMİP), partiya fəalının pozulmuş hüquqlarının bərpa olunması üçün Avropa İnsan Haqları Məhkəməsinə müraciət edib.

Azərbaycan parlamentinin vitse-spikeri Bahar Muradova hesab edir ki, radikal mövqe tutan müxalifət partiyaları cəmiyyət tərəfindən siyasi proseslərdən təcrid olunublar.
«Azərbaycanda baş verən proseslərlə bağlı radikal mövqe tutan ənənəvi müxalifət bu gün cəmiyyət tərəfindən təcrid olunub. Əgər müxalifət cəmiyyətdən təcrid olunmaq istəmirsə, konsturuktiv olmalıdır», - bazar ertəsi jurnalistlərə Muradova bildirib.

Azərbaycan prezidentliyinə keçmiş namizəd, müxalif Müasir Müsavat Partiyasının sədri Hafiz Hacıyev hesab edir ki, yaradılması nəzərdə tutulan prezidentliyə namizədlərin bloku yeni müxalifəti təmsil edəcək.
«Azərbaycanda prezident seçkisindən sonra yeni müxalifət formalaşır və bu müxalifət sivil və normal mübarizə aparmaq əzmindədir», - deyə Hacıyev bazar ertəsi Trend News-a bildirib.

Müsavat Partiyası Bakı şəhər İcra Hakimiyyəti ilə (BŞİH) bağlı Ali Məhkəməyə şikayət edib. Müsavatın Mərkəzi İcra Aparatının rəhbəri Arif Hacılının APA-ya verdiyi məlumata görə, partiya mayın 4-də və 18-də kütləvi aksiya keçirmək üçün şəhər rəhbərliyinə müraciət etsə də, aksiyanın təyin edilmiş yerdə keçirilməsinə razılıq verilməyib.

Böyük Quruluş Partiyası (BQP) “Xural” qəzetində dərc olunmuş və prezidentliyə namizədlərin xərclərindən bəhs edən yazının müəllifini məhkəməyə verəcək. Bu barədə APA-ya BQP sədri, prezidentliyə keçmiş namizəd Fazil Qəzənfəroğlu məlumat verib.

Böyük Quruluş Partiyası (BQP) Bütöv Azərbaycan Xalq Cəbhəsi (BAXCP) və Aydınlar partiyaları ilə blok yaratmaq məsələsini partiyanın strukturlarında müzakirə edəcək. BQP sədri Fazil Qəzənfəroğlunun APA-ya verdiyi məlumata görə, belə bir blokun yaradılması təşəbbüsü BAXCP sədri Qüdrət Həsənquliyevdən gəlib və bu xoşməramlı bir təşəbbüsdür.

Oktyabrın 15-də Azərbaycanda keçirilmiş prezident seçkilərində iştirak edən namizədlər seçkilərin nəticələri rəsmi dərc edildikdən sonra 10 gün müddətində Mərkəzi Seçki Komissiyasına (MSK) yekun maliyyə hesabatı təqdim etməlidirlər.

Azərbaycan prezidenti İlham Əliyev dövlət başçısının yenidən seçilməsi ilə əlaqədar ölkə hökumətinin tərkibini buraxıb.
Azərbaycanda prezident seçkisi oktyabrın 15-də keçirilib. Hakim Yeni Azərbaycan Partiyasından olan namizəd İlham Əliyev ölkə prezidenti seçilib.