Avropa Şurası Parlament Assambleyası (AŞPA) bürosunun Parisdə keçiriləcək iclasında Azərbaycanda prezident seçkiləri öncəsi vəziyyət müzakirə oluna bilər.

«Büronun gündəliyində Azərbaycanla bağlı məsələ yoxdur, lakin prezident seçkiləri öncəsi olduğuna görə müzakirələrin keçiriləcəyi istisna deyil». Bu barədə çərşənbə axşamı Trend News-a Azərbaycanın AŞPA-dakı nümayəndə heyətinin rəhbəri, qurumun vitse-prezidenti Səməd Seyidov bildirib.

Azərbaycanda Vətəndaş Cəmiyyətinin İnkişafına Yardım Assosiasiyası (AVCİYA) 15-21 avqust tarixlərində altı rayonda prezident seçkiləri ilə bağlı təşkil etdiyi treninqlərin yekunlarını açıqlayıb. Yekunlara əsasən, treninqlər zamanı əksər Dairə Seçki Komissiyalarında müşahidəçilər üçün nəzərdə tutulmuş lövhəciklərin olmaması, müşahidəçilərdən qanunda nəzərdə tutulmayan sənədlərin tələb olunması kimi çatışmazlıqlar aşkarlanıb.

“Azərbaycan Sosial Demokrat Partiyasının fəaliyyətinin zəifləməsini qəbul edirəm. Bu vəziyyət partiyadaxili problemlərlə bağlıdır. Həm də cəmiyyətdə partiyaya baxış dəyişilib, çoxlarını maddiyat düşündürür”. Bu açıqlamanı APA-ya ASDP-nin həmsədri, eks-prezident Ayaz Mütəllibov verib. Onun sözlərinə görə, ASDP-də seçkidə iştirak edib-etməməklə bağlı fikir ayrılığı yaranıb və partiyanın Mərkəzi Komitəsinin Plenumu da bu məsələyə aydınlıq gətirib: “Partiyada mənim təsir imkanlarımın zəifləməsi haqda deyilənləri də qəbul etmirəm.

Avropa Şurası Venesiya Komissiyasının və ATƏT-in Demokratik Təsisatlar və İnsan Haqları Bürosunun (DTİHB) Azərbaycanın Seçki Məcəlləsinə əlavə və dəyişikliklərlə bağlı tövsiyələrinə dair Azərbaycanda İnsan Hüquqlarına Dair Beynəlxalq Standartların Təsbiti üzrə Birgə İşçi Qrup rəy və təkliflərini açıqlayıb. APA-nın məlumatına görə, bu məqsədlə keçirilən tədbirdə işçi qrupunun eksperti Məhərrəm Zülfüqarlı çıxış edərək rəy və təklifləri tədbir iştirakçılarının diqqətinə çatdırıb.

Azərbaycan Xalq Cəbhəsi Partiyası (AXCP) və Müsavat Partiyası arasında müxalifətin koalisiyasının yaradılması məqsədi ilə növbəti danışıqlar olub. Danışıqlarda AXCP tərəfdən partiya sədrinin müavini Fuad Mustafayev, Müsavat tərəfdən isə partiyanın Mərkəzi İcra Aparatının rəhbəri Arif Hacılı iştirak ediblər. F. Mustafayevin APA-ya verdiyi məlumata görə, bu gün keçirilmiş görüşdə müxalifət partiyalarının yaradacağı koalisiyanın məqsədləri barədə fikir mübadiləsi aparılıb.

Azərbaycanın müxalif Ədalət Partiyasının prezident seçkisində dəstəkləyəcəyi namizədin kimliyi müəyyənləşib.

«Ədalət Partiyası seçkilərdə Böyük Quruluş Partiyasının sədri Fazil Qəzənəfəroğlunun namizədliyini müdafiə edəcək»,- bazar ertəsi Trend News-a BQP-yə yaxın mənbələr məlumat verib.

Mərkəzi Seçki Komissiyası (MSK) qeydiyyatdan çıxma vəsiqələrini çap edib. Vəsiqələrin Dairə Seçki komissiyalarına paylanmasına sabah yekun vurulacaq. MSK-nın mətbuat xidmətinin rəhbəri Azər Sarıyev APA-ya bildirib ki, Seçki Məcəlləsinin tələbinə uyğun olaraq qeydiyyatdan çıxma vəsiqələri səsverməyə 50 gün qalana kimi Dairə Seçki Komissiyalarına, 25 gün qalana kimi isə məntəqə seçki komissiyalarına təqdim olunmalıdır.

Demokratiya Uğrunda İttifaqın (DUİ) toplantısı keçirilib. DUİ-dən APA-ya verilən məlumata görə, yığıncaqda seçkiqabağı ölkədəki ictimai-siyasi vəziyyət və ötən həftə Bakıda baş verən terror aktları müzakirə predmeti olub. Toplantıda aidiyyatı dövlət qurumları təhlükəsizliyin qorunması istiqamətində zəruri addımlar atmağa çağırılıb və Azərbaycanla bağlı gizli planların hazırlandığı bildirilib.

“Azərbaycan Milli Demokrat Partiyası hazırda təmsil olunduğu blok və birliklərdə fəaliyyətinin davam etdirməsi məsələsinə yenidən baxacaq”. Bu sözləri APA-ya AMDP-nin yeni sədri Tufan Kərimli deyib. Onun sözlərinə görə, bu barədə veriləcək qərarın fərqli olacağı da gözlənilir. T. Kərimli partiyanın prezident seçkisi ilə bağlı mövqeyinə də münasibət bildirib: “Partiyanın qeydiyyatı 1995-ci ildə ləğv edildiyindən namizədlə çıxış etmək imkanımız yoxdur.

Azərbaycanda yaşayan və seçki hüquq olan 30 min gözdən əlil prezident seçkilərində müstəqil şəkildə səs verə biləcək. Bu barədə APA-ya açıqlamasında Azərbaycanın Gözdən Əlillər Cəmiyyətinin sədri Səmyar Abdullayev bildirib. Cəmiyyət sədri Azərbaycanda gözdən əlillərin MDB məkanında analoqu olmayan trafaret sistemi ilə səs verə biləcəklərini deyib.

Avqustun 26-da Avropa Şurası (AŞ) “Yeni Nəsil” Jurnalistlər Birliyi ilə birlikdə “Media və seçkilər: Medianın demokratik öhdəliyi” mövzusunda konfrans keçirəcək. Avropa Şurasının Bakı nümayəndəliyindən APA-ya verilən məlumata görə, tədbir AŞ ilə Avropa Komissiyasının “Moldova və Cənubi Qafqaz – Azad və ədalətli seçkilərə dəstək” adlı birgə layihəsi çərçivəsində keçirilir.